Хөх Сэрхийн нурууны УТХГ-ын хамгаалалтын захиргааны байгаль хамгаалагчдын хийсэн судалгааны үндсэн дээр гаргасан даргын удирдамжийн дагуу Чигэртэйн голын ай савын БЦГ-ын Халиун бугын гол байршил нутаг болох хоёр цэгт 2018 оны 01-р сарын 30 ны өдөр биотехникийн арга хэмжээ авч ажиллав. Тус арга хэмжээнд хамгаалалтын захиргааны ажилчид болон нутгийн иргэд оролцов. Нийт  20 боодол өвс, 500 кг давс тавьж өгөв. Биотехникийн арга хэмжээ авсан газарт автомат камер байршуулав.